ANG pambato sa Ateneo de Davao University (Addu) miigo og walo ka bulawang medalya sa Davao Region Athletic Association (Davraa) Meet 2018 archery competition didto sa Davao Archery Club sa Lanang Business Park, Davao City.
Si Franceska Gacal, 18, nagtubo sa General Santos City, naniguro nga di lang usa apan walo ka kategorya modomina sa secondary girl's archer competition nga gilangkuban sa 30-meter distance, 40-meter distance, 50-meter distance, 60-meter distance, single FITA round, Olympic round individual, Olympic round mixed team ug Olympic round team shooting events diin mao kini ang iyang tigian sa umaabot Palarong Pambansa 2018 sa Mayo sa Vigan City.
Samtang nakapakurat sab siya human mao kini ang iyang unang Davraa meet nga kaniadto sa Soccsksargen Regional Athletic Association (SRAA) siya miduwa apan wala gyud siya midaug.
"Doon yung first game ko two years ago. Di ako nag-qualify for Palaro dun. First time ko po mag Davraa and mag-qualify din for Palaro. Last year, kasi nagqualify ako for Davraa pero di po ako naka-join kasi nagka-family emergency po," pahayag niya.
Ang multi-gold medalist miingon nga iyang pamilya usa ka sports-oriented hinungdan maoy motibasyon nga moabot sa unang puwesto.
"Sports-oriented kasi ang family namin. I have three older brothers who are black belters in Taekwondo. I witnessed how much they excelled in their sport kaya I'm trying my best to excel in mine din since naging decision ko din naman po na ito ang sport ko and decision ko din to go to every tournament and shoot po," dugang ni Gacal nga ang pag-ampo ang iyang sekreto bala sa matag duwa.