Mga pulis, politiko naa sa listahan

GIBUTYAG sa tinugyanan sa Philippine Drug Enforcement Agency (PDEA)-Northern Mindanao nga ubay-ubay pa sa mga promininteng mga tawo ang nalambigit sa ilegal nga druga sa dakbayan sa Cagayan de Oro ug sa rehiyon.

Sa pakighinabi kang Regional Director Wilkins Villanueva, gikompirma niini atol sa gipahigayong Lakad Tokhang nga ubay-ubay pa sa mga ilado nga mga pulitiko ug unipormado ang nalambigit sa ilegal nga kalihokan ilabi na ang ilegal nga druga.

Nasayran nga gikan na kini sa National Capital Region (NCR) apan nahibalik kini diri sa rehiyon isip direktor.

Giingong kini niabot na ang taho nga aduna’y mga kapulisan ug politiko nga nalambigit apan kini ila pang sutaon pag-ayo gumikan kay ang pipila usab niini tungod lamang sa pulitika.

“Abangan, magkita lagi ta sa finals tanan, naa-naa, daghan-daghan, dili lang man na diri sa lain-lain nga Probinsiya basta they are already identified, naa ta’y mga na identify na mga personalities, but mahunong ra lage, mawala ra na,” pahayag ni Villanueva.

“Pulitiko naa man, naa po’y mga pulitiko pud, under sa PRRD list pero ang uban didto politics ra gihapon ang hinungdan, we are conducting adjudication didto sa mga nakalista,” dugang pa niini.

Gibutyag usab niini nga dili na kinahanglang ilisdan pa ang ngalan nga Tokhang apan ang angayan nilang buhaton mao ang pagpasabot niini sa katawhan ilabi na sa mga nalambigit sa illegal nga druga.

“Dili siguro utrohon but ma-explain lang, it just a matter of explaining to them unsa’y purpose sa Tokhang ug unsa’y mahitabo after sa Tokhang,” dugang pahayag ni Villanueva.

“Gusto ko lang po’ng linawin na when we say Tokhang, it is strictly knocking and pleading so kakatok lang and susubokang kausapin yung suspected drug user o pusher and try to convince or persuade him or her to submit herself or himself for rehabilitation o kung hindi naman na itigil na niya yung bisyo niya,hanggang dun lang po ang operation nang Tokhang,” ang pagklaro usab ni Police Chief Superintendent Timoteo Pacleb sa Police Regional Office-Northern Mindanao.

Gidugang pa niini nga gikonsidera nga mga biktima ang maong mga nalambigit sa illegal nga druga hinungdan nga hatagan og higayon nga magbag-o.

Giingong sukad niadtong Hulyo 2016 hangtod Pebrero ning tuig 2018 anaa na sa 1,969,000 ang nabisitahan sa kapolisan sukad gilusad ang Oplan Tokhang dinhi sa rehiyon ug dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph