USA ka powerhouse nga line-up ang gimugna sa Cagayan de Oro-Misamis Oriental (CdeO-MisOr) chess team nga ibangga kontra sa host Davao All-Stars sa 4rth Mindanao Goodwill Match karong Biyernes sa Davao City.
Taas ang kompyansa sa CdeO-MisOr karon kay naa ang upat ka Manila-based players sa Cagayan de Oro ang kompirmadong modula sa team nga sila Christian Arroyo, Army men Alfredo Rapanot ug Antonio Chavez Jr., ug Air Force man Lennon Hart Salgados.
Mosalo sila nila National Masters Levi Mercado and Rustum Tolentino ug nila Johnnel Balquin, Allan Cantonjos, Nazario Ubanan, ug Bryan Jose sa regular boards.
Si Barangay 23 chairman Jaime Joshua Frias II ug si Cleto “Bong” Vasquez ang nawala sa regular boards apan sila mangulo sa executive line-up.
Naa sab sila Domingo Oga, Fr. Vic Arellano, Ismar Estrella ug Engr. Jun Gunayan sa executives.
Gapaninguha ang CdeO-MisOr chessers nga modaug sa ilang unang kadaogan kontra sa Davao diin napilde sila sa una ug ika-tulong match ug kutob pa lang sila sa tabla niadtong second match nila.
Bisan nakakuha og igong pwersa ang CdeO-MisOr, dili sila angay magkumpyansa kay pwede pa makamugna ang Davao og igong kusog paagi sa ilang mga Manila-based players.