Emano supak pagsirado sa BSU External Studies Centers

HANGTOD karon panahona, pipila ka mga ginikanan ang nipaabot sa ilang dakong kadismaya sa pagpasirado sa Bukidnon State University External Studies Center.

Mismong si Misamis Oriental Governor Yevgeny Vincente Emano dako kaayo og supak nga ipasirado ang mga External Studies Center labina ang nahimutang denhi sa Misamis Oriental.

“Kining BSU nagtukod ug nag-authorize sila og mga external studies center sa matag munisipyo aron unta ang mga pamilyang kabus dili mabug-atan labina ilang mga ginikanan nga ilang mga anak nga magtungha dili na magplite paingon sa Bukidnon, ug mag-abang og boarding house,” matud ni Emano.

“Unsa na nga klase, maayo na ang lakaw, walay deperensya, walay daot unsay problema. Mga igsuon usa ako sa nanawagan ug nakigbisog gyod ko ana ug nihangyo nga dili isira ang BSU. Kay para kanako, inhustisya kana, paghikaw kana sa kahigayonan nga makatibawas kamo sa inyong pagtoun ug barato de kalidad nga doul ra sa inyong mga balay nga tunghaan,” dugang ni Emano.

Sa Misamis Oriental, adunay 11 ka mga external centers ang gi-operate sa BSU diin moabot sa 5,000 ka mga tinun-an ang maapektuhan human nihatag og kamandoan ang Commission on Higher Education (Ched) nga dili na motugot nga aduna pay external studies center sa pagsugod sa school year niadtong 2016 ug 2017 tungod sa giingong wala daw pagsunod sa mga polisiya ug gabayan sa maong ahensya.

Lakip sa gitumbok sa Ched nga rason ang dili igo ang mga tunghaan sa elementarya nga maoy gamiton sa pagtungha sa kolehiyo gumikan kay kulang sa pasilidad, ug ingon man kulang sa mga magtutudlo.

Ngani ang probinsya, ubos ni Bise Gobernador Joey Pelaez, nagpalabang na og resolution aron babagan kini nga kamandoan. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph