MOGCHS lady Cavs nakaiskor ra gyud

NAKA-ISKOR ra gayud si coach Agustin Yasay og usa ka titulo sa 2nd Cagayan de Oro Inter-Public School Basketball Tournament.

Kini, human magtagbo ang iyang Misamis Oriental General Comprehensive High School (MOGCHS) girls teams sa final agi pagtagak sa ilang kadaiyang semifinal nga kaatbang niadtong Domingo sa West City Central School covered courts.

Gitangtanag sa MOGCHS lady Cavaliers og korona ang defending champion Indahag National High School agi sa 57-25 lata nga daug, samtang gidominar sa MOGCHS lady BBG ang Carmen National High School, 79-38.

Sa kinsa modaug nila sa final, segurado na nga titulo na alang sa MOGCHS girls teams ni Yasay.

Gipakita ni Yasay nga mas buhi ang basketball program sa MOGCHS alang sa kababahian human gibugto nila ang bangungot nga panagribal kontra sa Indahag lady Skyhawks.

Gidominar sa lady Skyhawks ang inter-public school sa upat ka sunodsunod ngahigayon apil ang duha sa Oro Speed tournament.

Sa pikas bahin, magbangi ang guest teams Corpus Christi School ug Xavier University Grade School (XUGS) alang sa elementary division title human gilat-an nila ang ilang kadaiyang semifinal nga kaatbang.

Giparot sa Corpus ang South City Central School baby Southern Stars, 60-17, samtang gipukan sa XUGS baby Crusaders ang Bulua Central School, 80-33.

Niagi, gidominar sa Corpus ang elimination round human gihatdan niini ang XUGS sa unang kapildehan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph