OROQUIETA CITY, Misamis Occidental - Julianna Marien Villanueva mihatag sa Davao City og unang bulawang medalya pinaagi sa pagdomina sa girls 13-15 individual medley (IM) event atol sa unang adlaw sa swimming competition sa Misamis Occidental Provincial Athletics Center (Mopac) dinhi niadtong Miyerkules sa hapon.
Ang 13 anyos Precious International School of Davao (PISD) mioras og 2 minutos, 38.62 segundos kontra Jindsy Azze Dasion sa Bukidnon Province ug Krisha Joanna Apin sa General Santos City kinsa misunod sa duha ka puwesto sa maong ha-ay.
Si Dasion mitala og 2:41.04 gisundan ni Apin (2:41:09).
Ang kahilakon si Villanueva ihalad ang iyang kadaugan sa iyang amahan kinsa mipanaw tulo ka tuig ang milabay tungod sa sakit sa kasing-kasing, "This is for him," niya pa.
Ang Dabawenya bag-ohay lang miharbat og lima ka bulawan sa Davao Region Athletic Association (Davraa) Meet 2018 sa Davao City.
Niya pa kinahanglan niya modaug sa Batang Pinoy National Championships diin wala siya nauli sa milabay Batang Pinoy nationals gihimo sa Tagum.
Apan di siya maglaum nga modaug sa iyang nabilin upat ka events,"There are a lot faster swimmers than me. I really never expected to win golds here, I only projected a second or third finish," dugang niya nga gibansay siya ni beteranong coach Jun Rodriguez.
Samtang, ang Zamboanga City nakakuha og duha ka bulawan sa pool gikan ila Danielle Filoteo ug swimmers gikan Dipolog City, Zamboanga City ug Austin John Hampac.
Si Filoteo nauli ang girls 12-under 200m IM sa oras 3:02.59, batok Davao del Norte's Almarie Battad (3:04.53) ug Bukidnon Province's LA Rynne Paradero (3:04.75).
Sa bahin ni Hampac mihari sa boys 13-15 event human mirehistro og 2:27.10.
Si Enzo Malayang sa Bukidnon Province (2:25.14) ang nakaplata samtang si Eryk John Omandam (2:26.11) nahulog sa bronze.