SUGDAN tanan finals nga duwa paghuman sa 2nd Cagayan de Oro Inter-Public School Basketball Tournament karong Dominggo, Marso 11, sa Nazareth Gym.
Mag-una ang dula tali sa guest teams Corpus Christi School (CCS) baby Crusaders ni coach Carlo Dagalea ug Xavier University Grade School (XUGS) baby Crusaders alang sa elementary title sa alas-12 sa udto.
Sa ala-una sa hapon, segurado na nga makapmit ni coach Agustin Yasay ang unang titulo sa inter-public school human iyang duha ka teams sa Misamis Oriental General Comprehensive High School (MOGCHS) mag-unay sa ladies division final.
Titulo na kang Yasay sa kinsa modag tali sa iyang lady Cavaliers ug MOGCHS BBG.
Magbangi sab ang Cagayan de Oro National High School o City High jr. Tigers ug Carmen National High School Jr. Thunders alang sa under-15 final sa alas-dos sa hapon.
Modepensa sab ang defending champion City High Tigers batok sa MOGCHS Cavaliers sa alas-tres sa hapon alang sa under-17 division final.
Sa buntag nianang adlaw pagadlaon sab ang panagsangka sa ikatulo nga pwesto.
Magbangi ang South City Central School ug Bulua Central School alang sa third place sa elementary division sa alas-utso sa buntag, ingon man sab sa Carmen NHS ug Indahag National High School sa ladies division sa alas-nuwebe.
Mag-abot sab ang MOGCHS Legends ug Macasandig National High Sschool alang sa 15-under sa alas-10, dayon ang laing away sa third tali sa Talakag National High School ug Macasandig National High School.