SAN ISIDRO, Davao Oriental -- Team Amihan gikan sa dakbayan sa Mati ang midaug sa upat ka kategorya sa kayaking sa unang Mayor Tina Yu Bugsayan Festival sa San Isidro, Davao Oriental.
Amihan's Peter Alvin Ocdenaria mioras 41.52 segundos aron mohari sa Men's Open Singles event.
Ang pambato sa lokal sila Regie Bandoquillo (41.87) sa Barangay Baon nabutang sa ika-duha gisundan ni Walter Escolor (49.50) sa Gabon.
Ang crowd-favorite si Iyay Montebon sa Amihan nanguna sab sa babaye nga mioras og 46.65. Gisundan siya sa 14 anyos Lovely Mae Montebon (50.84) sa Care Group sa Digos City ug ika-tulo si Amihan's Lang-Lang Apordo (51.18).
Si Ocdenaria, kauban si Bebe Guineta, mitala og 47.01 aron manguna sa Mixed Expert category batok Kampilan's Dennes Cubelo ug Ma Mordiz Morales (47.17) ug Gabon's Escoltor ug iyang asawa Marian (57.24).
Gipares sab si Ocdenaria kang team captain Winston Plaza nga mihari sa Men's Tandem sa 40.09 kontra Baon's Elvin Caragao ug Alvito de Castro (40.30) ikaduha ug ika-tulo ang mag-amahan sila George ug Viiresh Garcia sa Care (56.15).
Sila Care's Weng Pacaldo ug Bangbang Gomez (1:01.93) ang midaug sa Women's Tandem gisundan sa mag-inahan nila Ma. Theresa ug Therese Merry Mahusay sa Hadams sa 1:02.91.
Ika-tulo ang magpares Amihan's Magbago ug Jane Paulino sa 1:17.01.
Samtang mikampeyon sila Elvin Casragao ug Rowena Raman sa local banca race.
Casragao (41.54) ang nakakuha titulo sa men's singles kontra Obba Turaji (44.38) ug Sixto Pelegrino (46.66) samtang si Raman (1:03.64) sa San Isidro Municipal Tourism Office ang gikoronahan sa women's singles gisunda nila Rosemarie Destreza (1:04.43) ug reigning Mutya sa Kalikasan title-holder Darlene Bunguelo (1:21.72).
Sila San Isidro Mayor Tina Yu ug organizer Jun Bacus sa Bugsay Dabaw ang mitunol sa premyong kuwarta, tropeyo, ug medalya sa mga midaug. (PR)