MAS exciting ug pinasahi ang newest singing competition sa GMA-7 nga “The Clash.”
Sa nakalabay nga Marso 7, nahimamat sa Davao media ug social media influencers ang Asia's Songbird Regine Velasquez-Alcasid nga maoy host sa programa.
"Ang dami ng singing talent competition saan ako yung host, dito sa The Clash iba siya compared to that kasi nga ikaw mismo ang pipili ng makakalaban mo," suma sa singer sa press conference sa Rekado Restaurant.
Ni Regine sa kompetisyon masukod gyud kung kinsa ang hawod ug lig-on, ug duna gyuy saktong talento sa pagkanta.
Sa maong adlaw sab gihimo ang audition sa Mindanao leg sa The Clash sa SM City The Annex nga gidugok sa mga mangantahay nga gikan pa sa General Santos City, Kidapawan ug uban pa.
Luyo sa audition sa Mindanao leg, gihimo na sab ang audition sa Cebu, Baguio ug Manila.
Ang di maka-apas sa audition tsika ni Regine mamahimong mopadala sa ilang video audition piece sa GMA The Clash Facebook page.
Sa mga maka-abante sunod round, sila mopailawom sa trainings dili lamang sa ilang pagkanta.
"Kung di ka man palarin, plus na talaga yung trainings na gagawin
mo kasi ituturo talaga sayo lahat ng bagay-bagay as a singer. Sa bawat pagsasala dung sa mga contestants lalabas talaga yung pinaka best sa kanila."
Magsilbing hurado sa kompetisyon sila Ai-ai delas Alas, Christian Bautista ug Lani Misalucha.
Pagka-hapon, personal sab nga nakighimamat si Regine sa mga nag-audition ug sa mga Dabawenyos sa Kapuso Meet and Greet sa samang The Annex sa SM City Davao.
Ang singer excited sab ug masaligon nga manggawas ug makita ang mga hawod manganta gikan sa Mindanao.
"Just continue doing what you love. Tama yung kasabihan na practice makes perfect, pag di mo pa talaga time, hintay ka lang," ni Regine ngadto sa mga nangandoy mosikat isip singer.