SUPERBALITA CAGAYAN DE ORO

Stalag 45 nikampyon sa Talakag tatluhan chessfest

GIHAWOD sa Stalag 45 ang 101st Araw ng Talakag Open Chess Team Tatluhan Tournament niadtong Domingo didto sa Barangay 1, Talakag, Bukidnon.

Naangkon sa Stalag 45, gikomposar sa mga batan-on nga sila Ronald Canino, Ronnie Chavez ug Christian Aquino, ang titulo agi pagdaug sa tie-breaks sa four-way tie sa unang pwesto.

Nihuman ang Stalag 45 og siyam ka puntos uban sa Avila Chess Academy, Maramag Knights ug Kap Bob Dinlayan paghuman sa kataposang unom ka rounds.

Apan, taas og tunga sa punto ang Stalag 45 sa nagsunod nga si Avila hinungdan nikampyon kini ug niuli sa Php 12,000 nga cash prize ug trophy.

Nihuman lang ang Avila, gilangkoban nila Silverio Abasolo, Joshua Frias ug Edward Tare, sa ika-duha nga pwesto ug dala ang Php 6,000 ug trophy.

Ang Maramag Knights ug Kap Dinglayan nilanding sa ika-tulo ug ika-upat nga pwesto, sunodsunod.

Naa ang JRM Warriors sa ikalima nga pwesto, samtang naa ang Super Dragon Ball Z ug Iligan sa ika-unom ug ika-pito nga pwesto, sunod-sunod.

Ang Baredo Attack, CdeO Team ug Maritima-Madalum Lanao del Sur nipwesto sa ika-walo paingon sa ika-10, sa ingnana nga pwesto.

Sa pikas bahin, gidominar ni David Rey Ancheta ang kiddies tournament ug niuli og Php 1,500 ug bulawang medalya.

Niaging adlawa, nikampyon si Ancheta sa West City Central School kiddies tournament ug bitbit niya ang Php 2,000 nga cash prize.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph