Cebu City di na kaayo luwas: Osmeña

KON kaniadto makaingon kang luwas puy-an ug bisitahan ang Cebu City, karon di na ingon niini kaluwas ang sitwasyon gumikan sa sunodsunod nga hitabo sa pagpamusil sa wa pa mailhing mga tawo.

Kini ang giangkon mismo ni Mayor Tomas Osmeña kansang administrasyon nagtinguha sa pagpuo sa kalihukan sa ginadiling drugas.

“Not so safe. It could be safer, it could always be safer,” paghulagway ni Osmeña dul-an duha ka tuig sa iyang pagbalik isip mayor.

Si Osmeña niasoy nga sa pagkakaron, ang mga sagbot sa katilingban di na mahadlok gumikan sa tawhanon nga katungod nga gipatugbaw kanunay sa Commission on Human Rights (CHR).

“What I see is that, criminals are not afraid anymore because they have human rights and then the victims don’t have the human rights. What happened, there will be more victims,” dugang sa mayor.

Gipadayag niya nga di mohunong ang mga kriminal sa pagpamatay kon igo lang moingon ang nangatungdanan og palihog ayaw na kamo pagpatay.”

“Do you think killers will stop killing if you tell them please don’t kill? They will stop when they’re scared,” pasabot ni Osmeña.

Ang mayor sama sa naandan walay marching order sa kapulisan kalabot sa sunodsunod nga pagpamusil sa Cebu City, inay iyang kanunay nga gisubli nga girelibuhan ang iyang mga police commander kaniadto nga silang Chief Supt. Patrocinio Comendaro (PRO7) ug PSSupt. Benjie Santos (CCPO).

“In my 30 days (in office) . I got 9 out of 10 of the most wanted and we killed the first two drug lords in the Philipines under Duterte and that’s Jaguar (Jeffrey Diaz) and Yawa. (Rowen Secretaria),”

Matod pa ni Osmeña nga wa na siya masayod unsay gidangatan sa Pilipinas kon wala pa mahimong presidente si Rodrigo Duterte.

Iyang gihulagway nga posibleng di na mo-exist ang Pilipinas isip usa ka nasod ug adunay caliphate sa Bohol, Cebu, Marawi ug ubang party sa Pilipinas ug mosulbong ang daghang drug lord sa kada lugar. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph