Uyab ni Aiko gibulgar na

SA labing unang higayon gikonpirmar sa actress turned politician Aiko Melendez ang lalake nga iyang gikalambigit kay matod pa dili na matago sa publiko ang ilang relasyon.

Si Subic, Zambales Mayor Jay Khonghun mao ang lalake nga unang gi-ila ni Aiko nga “politician from the North” base sa taho sa PEP.ph.

Tuyo sa actress nga ihilom ang ilang relasyon apan pipila na ka higayon nga gipangayoan siya og reaction sa higayon nga spotted siya ug ang mayor nga magkuyog sa mga lakaw sama nalang sa pagpamalit og groceries, pagtan-aw og concert ni Maja Salvador sa miaging buwan ug uban pa.

Labing uwahi nga sighting sa duruha niadtong Marso 25 ning tuiga diin kuyog ni Aiko ang iyang anak nga si Andre Yllana, anak niya ug sa iyang unang bana nga si Jomari Yllana, atol sa car racing competition didto sa Clark, Pampanga.

Nasayran nga nag-edad og 40 anyos si Mayor Jay ug buwag sa iyang misis ug nakabaton usa ka anak nga lalake.

Ang maong politiko gradwado sa kursong Civil Engineering sa Mapua University niadtong 2000 ug niadtong 2004 nahimong Provincial Board Member sa Zambales.

Anaa sa iyang katapusang termino si Khonghun isip mayor sa Subic.

Samtang si Aiko sud na sa kaduha ka higayon nga nabuwag sa iyang bana una si Jomari gisundan ni Martin Jickain diin aduna silay anak babaye nga si Marthena. /

Sa Martes ang lubong ni Lukas sa Heavenly Gardens sa Trece Martires, Cavite.

My condolences to the Terrago family. (B)