KORONADAL CITY -- Setenta ka mga tawo sa Sitio Salban, Barangay Ned, Lake Sebu, South Cotabato, ang nagkasakit og diarrhea.
Sumala kang Jocelyn Bayquin, municipal health officer sa Lake Sebu, nga usa ka walo ka bulan nga masuso ang nakabsan sa kinabuhi sa Barangay Ned apan gisusi pa kini kung hinungdan diarrhea ba.
Nagtuo ang ang opisyal nga posibleng kontaminado ang tubig gikan sa balon nga giinom sa mga molupyo hinungdan nga na-diarrhea sila.
Wala pa makaabot sa Barangay Ned ang water system sa lokal nga panggamhanan gumikan sa kalayo sa lugar.
Dugang ni Bayguin nga katulo na ka higayon nga nataho nga dunay diarrhea sa maong barangay apan karon maoy dunay pinakadaghan nga ihap nga gikonsidera nga outbreak na.
Kasagaran sa mga nagkasakit kadtong mga kabataan ug mga tigulang.
Hinuon nagpadala na og team ang local government unit sa Lake Sebu ug Integrated Provincial Health Office aron susihon ang sitwasiyon sa lugar aron matagaan gilayon og alibyo ang mga biktima. (Edgar E. Fuerzas)