USA ka construction foreman ang naatlan namaligya ug gidiling drugas atol sa buy-bust operation sa kapulisan sa mall diin kini nagtrabaho sa dalan A.S. Fortuna, Barangay Bakilid, dakbayan sa Mandaue niadtong Miyerkules sa buntag.
Ang suspek giila nga si Elmer Marata, 31 anyos, minyo, lumad nga taga dakbayan sa Toledo ug nagtrabaho ubos sa Glehn Ventures Inc.
Matod ni PO2 Rusthy Bolotaulo sa Station 2 sa Mandaue City Police office (MCPO) nga si Marata nakuhaan ug 3 ka gagmayng pakete sa shabu, duha ka P100 nga buy-bust money ug tin foil atol sa operasyon mga alas 5 sa buntag.
Dugang ni Marata nga usa ka informant ang mipahibawo ngadto kanila mahitungod sa ilegal nga transaksyon sa suspek.