WALA’Y water quality monitoring committee ang bisan usa nga syudad o lungsod sa Central Visayas (CV) aron unta mosuta sa kalidad kun ang kaluwas sa tubig dinhi sa rehiyon.
Mao kini ang gibutyag sa Regional Sanitary Engineer nga si Henry Saludar atol sa Kapihan sa PIA niadtong Miyerkules.
Matod ni Saludar nga base sa Presidential Decree 856 o ang Code on Sanitation of the Philippines diin nag-awhag kini sa tanang Local Government Units nga magmugna sa ilang tagsa-tagsa ka mga komitiba aron mao usab kini ang mo-double check sa water quality sa matag supply sa tubig sa ilang lugar.
Lakip sa trabaho sa komitiba mao ang pagsusi usab sa tinubdan sa tubig sa matag residente ug ang gibaligya nga tubig sa publiko gikan sa mga pribadong kompanoya, sumala ni Saludar.