Emong way direktang epekto sa Sugbo

WAY direktang epekto sa Sug­­­bo ug ubang bahin sa Kabisay-an ang bagyong Emong, sumala sa Philippine Atmospheric, Geophysical and Astronomical Services Administration.

Si Vhan Singson, weather specialist sa Pagasa Visayas, niingon nga dili motugpa sa kayutaan sa Pilipinas si Emong, ang ikalimang bagyo nga nisud sa nasod alas 4:00 sa kaadlawon kagahapon a­­­pan nagpaingon sa Japan.

Apan, matod niya, sa higayon nga mokusog na ang habagat, sunodsunod nga ta­­ligsik o ulan ang masinati sa Sugbo.

Si Singson nagkanayon nga base sa ilang talaan ang Hulyo ang dunay labing dag­­hang mga adlaw nga mag-ulan nga mo-average og 16 ka mga adlaw ug moabot og 202.2 millimeters ang average rainfall amount.

Alas 3 kagahapon sa hapon, ang bagyong Emong naa nahimutang 405 kilometros amihanang-silangan sa Basco, Batanes, nga nagdala og hangin nga 80 kilometros matag oras duol sa iyang sentro ug pag-unos nga 95 kilometros ma­tag takna. Nag-irog kini sa di­reksyon nga amihanang-kasad­pan sa gikusgon nga 30 ki­­lo­­metros matag oras. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph