USA ka pastor ang namatay samtang duha ang naangol dihang gibanhigan sa New People’s Army (NPA) niadtong Miyerkules, Abril 18, didto sa Sico-sico Bridge, Barangay Lahi, Gigaquit, Surigao del Norte.
Si Captain Al Athony Pueblas, 402nd Infantry Brigade Civil military operations (CMO) officer, nag-ila sa namatay nga mao si Jepti Acido, 32, residente sa Tayaga, Claver, Surigao del Norte; samtang naangol sila Virgil Flor Ortiz, 23, usab gikan sa Barangay Tayaga, ug Adner Malaque, 20, residente sa Barangay Villafranca, Gigaquit, Surigao del Norte.
Si Pueblas nagsulti nga ang insidente makasubo sanglit ang mga rebelde padayon sa pagpangatake ug mipatay sa mga inosenteng sibilyan bisan dunay giluto nga hinabing pangkalinaw ug mipirma sila sa Comprehensive Agreement on Respect for Human Rights and International Humanitarian Law (CARHRIHL).
Ilawom sa Part IV, Article IV item number 4 sa CARHRIHL, nagsulti nga ang sibilyan ug ilang mga propedad di maoy tumong sa pagpangatake.
Si Brigadier General Franco Nemesio Gacal, commander of 402nd Infantry brigade, sa laing bahin, nagkondena sa gihimo sa NPA sanglit hulga kini sa katawhan ug konomiya sa Surigao del Norte. (Brisbane Q. Titular, FSUU Intern)