ANG kanhi pangu sa Movement for a Livable Cebu, Marc Canton, 61, namatay sa atake sa kasingkasing niadtong Miyerkules sa gabii.
Si Cebu City Councilor Joel Garganera, kauban ni Canton sa MLMC, niingon nga nakadawat siya og tawag gikan kang Dr. Shawn Espina nga namatay ang kanhi opisyal sa atake sa kasingkasing.
“Mga 10-11 kagabii (Miyerkules), gitawgan kong Dr. Espina nga namatay si Marc,” sulti ni Garganera sa Superbalita Cebu.
Di siya segurado sa mga sirkumstansya, apan iyang nahibaw-an nga si Canton niadto sa usa ka dental clinic nga duol sa Cebu Doctor’s Hospital sa Osmeña blvd. alang sa usa ka check-up.
Wa niya mahibaw-i kon padung o human na ba kini sa check-up giatake.
Iya usab nga nahibaw-an nga dead on arrival (DOA) si Canton sa ospital hinungdan nga sa pagsuwat ning taho, gihikay pa sa pag-umangkon niini nga si Dan Canton-Salcedo Jr., ang mga papelis aron ma-release ang lawas gikan sa tambalanan.
Ang pamilya ni Canton toa na makabase sa Canada sud na sa kapin sa tulo ka mga dekada, dugang ni Garganera.
“He’s a great loss. He was a Mega Cebu advocate,” paghulagway kang Canton. (REV)