Tropang Texters batok Kia; Nlex-Blackwater

Mga duwa karon:

(Araneta Coliseum)

4:15 p.m. – Kia batok Talk ‘N Text

7:00 p.m. – Blackwater batok Nlex

KABLITON sa Talk ‘N Text Tropang Texters ang ilang paglaom nga makaabante og sayo sa quarterfinal round pinaagi sa pagpakigsangka sa laing naghingutas usab nga Kia Carnival karong gabii 40th Philippine Basketball Association (PBA) Governor’s Cup elimination round sa Araneta Coliseum.

Bisan sa 4-6 nga baraha kauban ang Ginebra sa ikasiyam nga puwesto, ang Tropang Texters mahimong makakuha gihapon og luna sa playoffs kon sila modaog sa Kia kinsa may 4-5 nga baraha.

Apan kon dili, hayan maglisod na ang ilang sitwasyon ug kini magdepende na man lang unya sa resulta sa nahabiling duwa sa Meralco (5-4), Purefoods (4-5), Ginebra ug Nlex Road Warriors (2-7).

Ang panag-engkuwentro sugdan sa 4:15 p.m, samtang ang Nlex Road Warriors manikaysikay usab sa ilang paglaom batok sa nangiwit nga Blackwater Elite sa alas 7 sa gabii.

Human mapildi sa Purefoods Star Hotshots, 93-105, sa niaging Miyerkules, si coach Jong Uichico sayod kon unsa na unya kalisod ang tahas sa Texters apan magmalaumon nga kini ila ra gihapong masugakod.

Ubos sa format, walo lang ka teams ang moabante sa quarterfinal round samtang ang top four maoy makaangkon sa twice-to-beat nga bintaha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph