KARONG Dominggo na makita sa MMA fans sa GMA-7 ang dugay na nga gipaabot nga One Champion 26 alang sa gusto nga makita ang labing hugot nga fight of the year.

Ang Kapuso actor nga si Rocco Nacino kinsa mao ang kaniadto co-host ni Mark Zambrano alang sa URCC 25 niadtong tuig 2014 mao ang mo-host alang sa maong event alang sa GMA broadcast.

Ang maong kalihokan nga gihanganlan nga “Valor of Champions” gipahigayon niadtong Abril 24 sa SM Mall of Asia Arena ug gitambongan sa daghang MMA fans sa nasod.

Ang One Championship nga kaniadto naila nga ONE Fighting Championship or ONE FC usa ka Singapore-based nga mixed martial arts promotion nga natukod niadtong Hulyo 2011.

Sukad niadtong aduna na’y 20 ka mga event ang ONE Championship.

Ang Bantamweight Division o ang away tali kang Casey Suire ds Top Ranked SMMAC Lightweight ug lakip sa Phuket Top Team batok kang Mark Streigl sa Asian MMA Superstar ug lakip sa Evolve MMA mao ang gipaabot nga division sa maong kalihokan.

Laing Pinoy Fighters sa maong torneyo mao sila si Edward Kelly, Cordilleran Featherweight ug si Jimmy Yabo usa ka Cebuano Featherweight.

Alang sa Featherweight division si Eugene Toquero sa Top Filipino Flyweight ug alang sa Flyweight division nga si Geje Eustaquio sa Top Pinoy Wushu Xanda Champion alang sa Catchweight division.

Si Toquero ug Eustaquio batok sa Indonesian Flyweight nga si Brianata Rosadhi ug Thailander Karate Champion Anatpong Bunrad.