NIGULGOL sa iyang kaugalingon nga liog ang usa ka lalaki, kinsa gi-ingong nawad-an sa maayong panghunahuna, niadtong Miyerkules sa Ili-ilihon lungsod sa Salay, Misamis Oriental.

Ang biktima gi-ilang si Leonil Acosta, lumulupyo sa nahisgutang dapit, kiinsa gi-ingong gusto magpakamatay tungod kay gi-ingong dunay buot mopatay kaniya.

Matod ni Wilma Acosta, inahan sa biktima nga nawad-an sa insaktong pangisip ang iyang anak ug nagsige kini og ingon nga aduna'y mopatay kaniya nga tawo ug nagtuo kini nga tungod sa kahadlok hinungdan nga buot niini nga magpakamatay.

Nakurat na lamang ang inahan sa biktima dihang nakita niya nga nagbuy-od ang anak sulod sa lawak ug nakitang naligo na kini sa kaugalingong dugo.

Nakaangkon ang biktima og samad sa liog dapit sa ubol-ubol, agi ug ginulgolan ginamit ang kutsilyo, hinungdan nga gidala sa Northern Mindanao Medical Center (NMMC), Dakbayan sa Cagayan de Oro.

Sa pagsulat niini nga balita ang maong biktima ang nagpabilin pa nga nagpaalim sulod sa NMMC.