SUPERBALITA CAGAYAN DE ORO

Pang-birthday gift na unta!

NAGSAAD ang Northern Mindanao Regional Athletic Association (NMRAA) basketball secondary boys team nga matagaan ilang coach nga si James Racines og dakong regalo sa iyang adlaw’ng natawhan niadtong Huwebes, Abril 19.

Gabuhaton sa mga batos ni Racines nga mahatod ang saad nila, apan usa ka kontrobersyal nga tawag nautro ang tanan.

Kini, tungod nabali ang hangin ngadto sa Western Visayas agi sa 104-99 hingpit nga daug sa overtime atol sa ilang panagbangi sa quarterfinal sa ika-upat nga aksyon sa 2018 Palarong Pambansa secondary boys basketball sa Ilocus Sur.

Sa dikit nga third quarter, labaw ang NMRAA og duha ka puntos sa wala nahitabo ang dakong suliran.

Usa ka player sa Western Visayas nahugmo kusog pag-agi sa iyang drive kontra sa depensa ni center Ryab Morhe.

Wala magdahum si Racines nga matawagan pa ang kaatbang og three-point play kay matod niya naka-establisar si Morhe sa depensa.

Sa naresulta, natawagan og ejectment ang upat ka players sa matag bando human misulod sa korte sa nahitabong komosyon.

Kung adunay komosyon nahitabo ug nisulod paingon sa korte maapil sa ejectment basi sa fighting rule.

Nawala sa dula sila William Galendez, Sherwin Belardo, Milo Janao Jr. ug Morhe alang sa NMRAA.

“Naka-establisar gyud si Morhe sa depensa ug natingala mi’ nganong gitawagan og foul,” ingon ni Racines sa kaulit.

Bisan sa suliran, gisakwat ni Christian “Antman” Hosain ang NMRAA sa overtime aron mapugos ang dula ngadto sa overtime.

Apan, nakalahotay ang Western Visayas gikan sa dikit lahotay aron pildehon ang NMRAA sa extension.

“I don’t blame it to my players, though they struggled in making the match against West Visayas as my birthday gift if we had won,” ingon ni Racines.

Konswelo ni Racines, napaangat niya ang NMRAA sa imbresibong resulta kompirar niaging tuig.

Samtang, napilde sab ang NMRAA elementary boys agi sa 20-65 nga kaparotan kontra sa mas tag-as nga Western Visayas sa elementary boys quarterfinal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph