IGO lang naabtan og usa ka adlaw gikan sa iyang pag-abot dinhi sa nasud aron unta sa pagbakasyon, trahedya hinuon maoy gidangatan sa 19 anyos nga Japanese national.
Namatay si Hibiki Ikemura, jobsite worker nga taga-Ishikawa, Japan.
Si Ikemura uban sa iyang higala nga sila si Yushiki Dehima (Filipino-Japanese) ug Kazu Mouroya ang miabot sa nasud niadtong Abril 18 ug pagkasunod adlaw nagkasabot ang tulo nga mag-jetski sa kadagatan sa Maribago, Lapu-Lapu City.
Tug-an ni SP01 Lydo Pinos, homicide investigator sa Lapu-Lapu City Police Office nga ang maong mga langyaw migamit o mi-abang og jetski sa Sunny Wave Tours nga nahimutang sa Sityo Buyong, barangay Maribago sa maong siyudad.
Nasayran nga ang Sunny Wave tours diin gi-abangan ang watersport equipment gipanag-iya sa apohan ni Dehima nga si Zosimo Ompad.
Luwan sa managlahing jetski ang mga langyaw apan kalit lang nga nibangga si Ikemura ngadto sa pumpboat. (FVQ)