NAGHUWAT pa ang Kadayawan Executive Committee alang sa project proposals sa mga komitiba alang sa pagpinal sa badyet sa Kadayawan.
Si Davao City Adminstrator ug Executive Committee member, Atty. Zuleika Lopez nagbutyag sila sa kasamtangan dunay trust fund nga P13 milyones alang ning tuiga, apan posibleng madugangan pa kini.
"It is yet to be finalized because project proposals from different committees were not yet forwarded. We are still expecting them to submit within the month," pagklaro niya.
Matud ni Lopez nga duna nay "existing" nga badyet alang sa Kadayawan apan posibleng madugangan pa kini tungod sa mga mosulod nga isponsor.
Si City Tourism Office Operations Office (CTOO) Generose Tecson, opisyal nga tigpamaba sa Kadayawan sa milabay nga paghinabi kaniya, nagsulti nga padayon pa silang nagtigum niini.
"It will be between P18 to P19 million for all of the activities that we have. Sa city meron kaming budget na P4 million and meron ding savings from the past Kadayawan na 13 million, so in all probably that is what we are going to use," tin-aw niya.
Dunay kinatibuk-ang 19 ka kalihukan ang gitakda alang sa kasaulogan sa 32nd Kadayawan karong tuiga; kini naglakip sa Kadayawan Village, Hiyas ng Kadayawan, Subang Sinugdanan ug Panagtagbo (Fluvial Float Parade), Hiyas ng Kadayawan, Indak-Indak sa Kadayawan, Sayaw Kadayawan, Tunog Kadayawan, Pamulak sa Kadayawan.
Mga bag-ong kompetisyon gilusad sab alang sa Kadayawan karong tuiga nga naglakip sa Habi Kadayawan, Kadayawan Inspired professional fashion completion; Mugna Kadayawan, a Kadayawan inspired art competition; Kaondayawan, usa ka food street entertainment uban sa 60 ka food stalls; Pitik sa Kadayawan, usa ka drum beating competition nga maoy mo-highlight sa Indigenous people of Davao nga gipanganlan isip pipila sa mga bag-ong kompetisyon nga gipaila isip pagdugang sa mga kalihukan karong tuiga.
Ang Kadayawan Village sa Magsaysay Park mao pod ang bag-ong installments sa kapistahan. (KVC)