Lamberto G. Ceballos

Cawayan, Dalaguete, Cebu

Human mikuyog kang Kamatayon

Ang batan-on niyang hinigugma

Nga wa pa gani niya ikasul-ot sa tudlo niini

Ang singsing nga maoy mobugkos unta

Sa ilang mga kinabuhi,

Gitamnan niyag humot nga mga bulak

Ang lubnganan sa iyang minahal –

Bulok rosa ug pula nga mga bulak.

Matag duaw niya sa lubnganan

Sa iyang minahal, giatol niya

Sa sayong buntag kanus-a

Ang mga yamog lab-as pa ug dalisay.

Unya hagkan niya ang mga bulak

Nga naglibot sa lubnganan niini.