HUMAN miuli og duha ka bronseng medalya alang sa Pilipinas gikan sa 28th Southeast Asian (SEA) Games wakeboarding competition sa Singapore, si Davao City's Maiquel Jawn "Mikee" Teh Selga nangita karon og mas nindot nga venue alang sa pagbansay ug sa umaabot niyang pakigtigi sa internasyonal.

Ang 15 anyos nga si Selga, Grade 9 student sa Stella Maris Academy of Davao, mibutyag niini atol sa Davao Sportswriters Association (DSA) Forum niadtong Huwebes didto sa The Annex event center sa SM City Davao nga giisponsoran sab sa Belgian Waffles.

Giangkon niya nga ang national team nagabansay lang sa Taal Lake.

Samtang si Selga nakapuyo sa Dabaw ug iyang amahan nangita karon og training venue dinhi sa rehiyon nga puwede siya makabansay sa boat wakeboarding.

"I only trained in boat-pulled wakeboard for six days before the SEA Games. In competitions like the SEA Games or in the Olympics, it has always been boat-pulled. But we don't have any good quality speed boats here in the Philippines while they have good speed boats there in Singapore. My rivals were all seasoned wake boat riders while I competed in it for the first time," ni Selga.

Apan luyo niini, sigun sa iyang amahan nga duna silay nadunggang taho nga dunay usa ka resort sa Mati City nga posibleng makapalit og wake boat sa kantidad nga P4 milyon diin plano nilang dalaon si Mikee alang sa training. (Marizz S. Robilla)