Ciar: LEVIATHAN Band nganong in-demand?

SA bibliya sa Hebrew, ang Leviathan usa ka simbolo sa sea monsters. Sa Amerika, dunay sikat nga black metal band nga gitawag usab og Leviathan. Apan sa local music, sila ang all-Cebuano band nga fully-booked pirme sa mga function, malls ug coporate shows wa pay labot sa ilang regular gigs matag-gabii. Ngano in-demand ning bandaha? Ato silang ila-ilahon. Leviathan Band, Ssssuper Ka!

Kinsa ang mga sakup sa Leviathan Band?

ALLAN FLORES (band leader, bass guitar) MARK VINCENT SEVILLE (vocals) SAI ARNAIZ SOTES (vocals) GARY UY (lead guitar) WILLIAM MENCHAVEZ (drums)

Asa mo ron nagtukar?

Regular gig schedules: BFK resto bar, Pueblo Verde, Tamiya (Monday and Wednesday); Tonyo’s resto bar, Mactan (Tuesday and Friday); Ampersand resto bar, Banilad Town Centre and Cubana resto bar, Mango ave. (Thursday); Tonyo’s resto bar, Salinas Drive, Lahug (Saturday and Sunday).

Bag-o lang kuno mo nanukar sa Shangri-La Hotel?

MARK: Yes, sa Procter and Gamble last July 3 and 4. We also have another corporate show sa Crimson Hotel on July 12 and 13 ug sa 3-day mallwide sale sa SM City Cebu this weekend. Biggest gig, so far? I think katong pag-New Year’s eve sa J. Park sa Mactan.

Ngano kaha in-demand mo?

SAI: Tingali tungod sa among mga tukar nga easy listening, songs like Sukiyaki (4 PM), After The Love Has Gone (Earth, Wind and Fire), Decode (Paramore), Sabihin (Zelle), and many more.

Ngano Leviathan ang inyong pangan?

SAI: Sa karaang panahon, it means sea monster. But in the modern times, it means something big and powerful which is what we aimed for as a band.

Puros mo full-time musicians?

SAI: Yes, katong bag-o pa ko nila, nag-work sad ko sa buntag as an IT for BPO company and at the same time tukar ko magabii. Pero wala makaya.

Unsa diay nahuman ninyong kurso?

SAI: Computer Engineering sa University of San Carlos.

GARY: Fine Arts sa University of Santo Tomas- Manila.

MARK: Information Technology sa Cebu Technological University.

ALLAN: College level kay nagbanda man dayon.

WILLIAM: College level.

Pila na mo katuig nagkuyog?

ALLAN: Kaming tulo sa rhythm section mga five years na tingali. Pero kami ni intsik, ang gitarista (Gary) 7 years na mi. Kami sa drummer (William) 4 years.

Unsa diay banda ninyo sa una?

SAI: First ni nako nga band.

GARY: Suburbia, Serendipity.

WILLIAM: Suburbia, Page 18, Serendipity.

ALLAN: Kaming tulo ni Gary ug William kauban mi sa una sa Serendipity. Pero fourth gen na mi sa Serendipity.

MARK: Full Barz, New Strings. Nakaabot pa ko sa Serendipity, pero kadiyot ra nag-changed dayon mi og name.

Serendipity diay mo sa una? Ngano giilisan man ninyo inyong pangan?

ALLAN: Para naa mi kaugalingong identity. Kay ang original gyud ato sila man Angela Calina ug Anthony Feliciano, ang composer sa “You are the One.”

Unsay foundation ninyo sa music?

ALLAN: Akong orientation rock, panahon sa Guns `n Roses ug Skidrow.

GARY: Metal, rock.

WILLIAM: Rock, metal ug pop.

SAI: Jazz, blues.. kanang mga kanta ni Amy Winehouse.

MARK: After ko nidaug og second runner-up sa 2012 Sinulog Idol, didto ko nagsugod og banda.

Nakaapil na mo og contest?

WILLIAM: Semi-finalist mi sa 1st Visayas-Mindanao Battle of the Bands sa General Santos City, Sept, 2014.

Dunay moy mga composition?

ALLAN: Naa mi Cebuano song, Stalker ang taytul while ang English is Move On. For more info, just visit our Facebook page, leviathancebu.