MAGANDANG araw, kaibigan! Okay lang ba kayo dyan? Me? hapit mawerla tungod sa akong Facebook account nga na-virusan, miga.

Ang Facebook kun FB usa ka online nga programa o aplikasyon diin mamahimo natong maka-chika ang atong mga paryente, higala ug uban pang binuhat sa bisan asang dapit sa kalibutan basta dunay Internet connection, gamit ang cellphone nga high tech, laptop computers ug uban pang gadget.

Tungod sa paspas nga paglambo sa teknolohiya, daghan na kaayong mga matang nga mamahimo nato nga buhaton sulod sa usa ka minuto. Kung nagagamit na ka sa FB nga aplikasyon, 100 percent sure gyud ko nga kasabot na pod ka kung unsa ang pulong nga "selfie ug groupie." O lagi, kana god hulagwayan nato ang atong kaugalingon tapos i-upload nato ang maong litrato aron ipakita sa madlang pipol (groupie ang tawag kung grupo mo nga nagpahulagway).

Nindot baya kini nga produkto sa teknolohiya kay dunay mga aktibidad nga mapasiugdahan (reunion, party, etc.), organisasyon ug relasyon nga masugdan. Dili ba lingaw kung daghan ang mangumusta o motagad sa nagkadaiyang kiat nato? Mao kini ang usa sa mga rason nganong daghan kaayo ang naa sa internetan bisan lalum na ang kagabhion.

But you see, "anything in excess is harmful" kuno, mare. Kana god magdaut kita kung masobrahan sa bisan unsang matang. Self control gyud ang atong pagatun-an aron safe kita all the time. Ang uban man god walay lingaw mao paggama og virus o kagaw sa kompyuter ang tirada. Kining virus nga mangawat sa atong mga personal nga impormasyon ug gamiton sa pagpangdaut kanato, USA KA KRIMEN, igsuon.

Imbis nga litrato sa atong pamilya, pulihan sa virus ug malaw-ay nga matang ang makita sa atong FB account, miga.

Ang American Psychiatric Association (APA) nagkanayon nga ang pag-selfie sa diay ka sakit sa pangutok, mare. Ang maong disorder ginatawg og, "selfitis" o ang sobra nga pagkuha'g hulagway sa kaugalingon ug pag-post ani sa FB agi'g bawi sa kakulangon sa kompiyansa sa kaugalingon (lack of self esteem).

Tulo ka level ning sakita. Una, borderline selfitis o ang pagkuha'g hulagway 3 ka beses sa usa ka adlaw apan dili lang ipakita sa FB. Ikaduha mao ang acute selfitis o ang paghulagway sa kaugalingon at least 3 times a day, ug pag-post niini sa FB. ang ikatulo mao ang chronic selfitis o ang pagsige na lang og pagkuha og hulagway sa kaugalingon ug pag-post niini sa FB sobra unom ka beses sa matag-adlaw.

Sa Amerika, dunay budget sa pagpatambal ang administrasyon ni Presidente Barrack Obama apan dinhi sa Pinas..dili kaayo nato ginatagad nga sakit ni miga apan kalingawan nga sky is the limit ra. Kung sakit man, tambal sa kalaay ra katuyoan nato, di ba? Ha ha ha!