NASIKOP ang ika-pito sa listahan sa city level sa Cagayan de Oro City Police Office (Cocpo) ug kauban atol sa gipahigayong drug bust sa kapolisan sa Police Station 2 sa Cogon.
Ang target nailang si Arjun Labininay, 25, residente sa Barangay 36 ning dakbayan kinsa number 7 sa target list sa city level sa Cocpo ug Haima Paskan, 26, minyo, nga taga Poblacion, Indahag ning dakbayan.
Sa nahipos nga impormasiyon gikan sa Police Station 2 sa Cogon gikabutyag nga taod-taod na nga gipanid-an ang ilegal nga kalihokan sa maong suspetsado.
“Itong nahuli natin number 7 sa target list nang city level nang Cocpo meron po tayong nakuha na isang drug bust na droga at the same time tatlong malaking rectangular, 20 grams tong ang ano, ang bigat with the estimated market value mga P120,000,” pahayag ni Police Station Chief Mohammad Taufh Abdulhalim.
Nasayran nga napalitan ang suspek og pakete sa shabu ug nakuhaan sa laing tulo ka mga pakete sa gituohang shabu nga gibana-banang adunay gimbug-aton nga mokabat sa 20 gramo ug gibana-banang adunay market value nga moabot sa P120 mil.
Sa pagkakaron, nagtingkagol na sa bilanggoan ang suspek samtang nagpaabot sa tukmang kaso batok niini.