Bisag bag-o di palupig: Aznar

WALA maglaom og dako ang Southwestern University (SWU) management kabahin sa bag-o nilang naporma nga high school team alang sa Cebu Schools Athletic Foundation Inc. (CESAFI) basketball tournament nga sugdan karong Agusto 1 sa Cebu Coliseum.

Nagkanayon si SWU athletic director Ryan Aznar nga wala pa siya’y bisan gamayng ideya kabahin sa kapabilidad sa Baby Cobras tungod kay wala pa siya nakasusi mismo sa team. Gumikan kay bag-o pang naporma, giklaro ni Aznar nga wala sila maglaom og dako sa Baby Cobras kon ikumpara sa kapabilidad sa lig-ong high school teams sama sa defending champions Sacred Heart School-Ateneo de Cebu Magis Eagles, UV Baby Green Lancers, USC Baby Warriors ug uban pa.

Hinuon asoy ni Aznar nga dili sila bastabasta mag­palupig ug mokombati si­la kutob sa ilang makaya.

“Being the athletic director of the school, maningkamot lang mi nga modaog. Hopefully maka-compete mi, at par against the other teams,” dugang ni Aznar.

Gawas sa nahisgutan, ang ubang high school teams sa torneyo mao ang UC Baby Webmasters, CEU Dragons, USPF Baby Panthers, CITU Wildkittens, USJ-R Baby Jaguars ug Don Bosco Greywolves.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph