GIKATAHO sa ESPN website nga "gipakaminos" ni superstar LeBron James ang coach sa Cleveland Cavaliers nga si David Blatt atol sa 2015 National Basketball Association (NBA) Finals batok sa Golden State Warriors.

Usa ka sideline reporter sa ESPN Radio nga si columnist Marc Stein misuwat og artikulo kabahin sa pagtrato ni James ngadto kang Blattg atol sa finals.

Gisuwat ni Stein, kinsa personal nga nakakita sa mga panghitabo sa habig sa Cavaliers, nga si James maoy motawag og timeouts ug substitutions unya bulgar kining mangasaba kang Blatt kon dili kini makauyon sa desisyon sa rookie roach.

“LeBron emasculating Blatt in ways that are simply unbecoming of a player of James’ legend-in-the-making stature,” suwat ni Stein sa iyang ESPN column.

Aduna sa’y usa ka higayon, matod pa ni Stein, nga milingolingo sa iyang ulo si James ug masuk-anon kining misupak sa usa ka set play nga gihimo ni Blatt sa Game 5 hinungdan nga napugos si Blatt sa paghimo og laing set play.

Si Blatt kalmado ra’ng mitubag dihang gipangutana kabahin niini ug igo lang miingon nga aduna gihapon sila’y positibo nga relasyon sa four-time MVP.

Taliwala sa ilang naangkong ka­pakyasan sa finals, 4-2, nakitaan gi­hapon og hayag nga kaugmaon ang Cavaliers

Sa iyang pagbalik sa Cleveland human sa upat ka mga tuig sa Miami Heat, nipahimangno nang daan sa Cavaliers fans nga dili magdahom og dako apan nahatod niya ang team sa finals.

Duha na lang unta ka mga daog ug matambalan na ang 51 ka mga tuig nga kahidlaw sa Cleveland sa mayorihiyang titulo sa paugnat sa kusog.

Nagkanayon si Cleveland GM David Griffin nga dili siya motubay sa negatibong mga taho kabahin sa relasyon nila ni James ug Blatt.

Gani matod ni Griffin nga gidayeg og maayo ni James si Blatt.

“That’s what the man said,” asoy ni Griffin.

“So I think one thing David did as well as anybody I’ve ever seen, and I wish I did better, was just ignore the noise from the media perspective. Because frankly, none of that means anything. We know what actually takes place here.” (AP)