ABRIHON karon ang Oro Builder’s Eagles Club ang ilang 1st Game of the Generals Inter-Eagle and Open Tournament nga ipahigayon didto sa Inilog Grill sa Tiano-Kalambagohan.

Presko pagkampyeon sa 3rd GG Open Tournament niadtong Mayo sa SM, mangulo si Mario Arroyo sa open section human nikompirma nga mosalmot sa torneyo.

Mga inilog sa torneyo nga modugang sa binaingay mao sila si Kevin Tablando, Paciano Gulle, Engr. Asner Senerez, Levi Mercao, Lyndon Lumnacas ug Alex Jalom.

Bantayon ang batan-on nga si Jason Nabatlao nga gituhon nga dark horse sa torneyo kay gakaanam og kakusog tungod kay sige na kini gapamilde sa mga ginganlan nga mga inilog. Ang inter-eagle section alang lang sa mga taga-Eagles club.

Kini nga torneyo isip usa sa pagsaulog Philippine Eagles Club week.