AKO si Michelle, taga Corrales Extension, Cagayan de Oro.

Akong partner itago nalang sa ngalan nga James, nagpuyo sa usa ka lungsod sa Misamis Oriental diin didto nagpuyo akong tita nga sagad kung magbakasyon didto ko gapaingon.

Sa sinugdanan, dili ko ganahan ni James kay lagi presko kaayo ug pamati. Kung dunay mga away-away, moapil apil pirme mao kung ipatawag siya sa barangay, pirme siya present. Ako man gud nga pagkababae dili kaayo ganahan sa ingon ana og kinaiya. Apan dili nako ma-deny nga gwapo siya sa pisikal nga aspeto. Paingon ko mosag-ob ato og tubig kuyog sa akong ig-agaw dihang kalit lang mi-tumbling si James atubangan nako. Nakuratan kaayo ko. Ingon ana siya ka hambugero gyod. Nasuko ko ato ako siya giyawyawan pero nag ngisi lang.

Daghan ko namatikdan nga sige siya papansin sa akoa pero gadedmahon lang nako. Hangtod nibalik nako sa Cdeo kay lage nagtungha paman ko sa kolehiyo, third year college ko ato ug nasayod ko siya 4th year college na ato sa usa gihapon ka school denhi sa CdeO.

Nakurat ko sa unang adlaw sa klase pag-abri nako sa bintana sa among balay ug pagtan-aw nako si James akong nalantaw sa atbang nga bintana. Iya kong gikidhatan..nakurat ko pag-ayo mao gisirado nako ang bintana. Nahibaw-an nako, mibalhin diay og boarding hauz si James ug sa amo pa gyod silingan.

Sa sige noun nako kita kang James, maorag duna koy lahi nga gibati kaniya. mura nako og nakagusto pag-ayo. Dihang usa ka higayon, natingala ko mihulat siya gawas sa akong school ug miaghat nako manglaag ming duha. Sugod ato, nag-uban mi og laag ug didto nako siya naila og maayo. Other side sa iyang ka hambugero mao ang boutan diay siya...kanang iyang gipakita sa mga tao kay naa siya insecurities sukad nawala iyang parents. Iyang auntie nga naa sa gawas maoy gaprovide sa tanan niya.

Pagpanguyab niya nako, wala ko nagduha-duha ug ako siya gisugot deretso. Nakahuman mi duha og school ug plano sa iyang auntie paapason mi didto gawas sa nasod kay aron magwork human sa among gikatakda nga kasal.