GILUSAD ang joint hot pursuit operation sa kasundalohan ug kapulisan human sa natigayong pag-ambush sa convoy sa Presidential Security Group (PSG) sa Barangay Gambudes, Arakan, North Cotabato, utlanan lamang sa Marilog District, Davao City, Miyerkules sa buntag, Hulyo 19.
Ang convoy sa PSG padung unta sa Cagayan de Oro City dihang gibanhigan sa dul-an singkuwenta ka mga armado nga posibleng mga miyembro sa New People's Army (NPA).
Tungod niini, hugot ang gihimong random checkpoint sa utlanan sa North Cotabato ug Davao City aron mapabilin ang kalinaw sa dakbayan.
Ang Eastern Mindanao Command (Eastmincom) nagpagula og impormasyon nga dunay upat ka samdan sa napulo ka PSG.
Si Presidential Spokesperson Ernie Abella gilayong namahayag nga ang nahitabo makaapekto sa sunod nga plano sa pagahimuong peace talks.
"We strongly condemn the latest incident involving NPA and PSG... On whether this would have any effect on the peace talks, let us wait for the President's advice and directive on the matter," pahayag ni Abella.
Gipahibalo sa opisyal nga anaa na sa luwas nga kahimtang ang mga samaron ug andam ang gobyerno nga motabang sa mga biktima.
"The injured PSG personnel are now receiving treatment in the nearest hospital and we have been extending all necessary assistance to the wounded," dugang ni Abella.
Sa bahin sa 10th Infantry Division (ID), gibutyag sa tigpamaba nga si Capt. Rhyan Batchar nga ilang gipalawman pa ang pagsubay sa mga plano sa tactical offensive sa NPA aron di na masubli ang nahitabo.
"Sa area ng 10th ID, we have monitored several consolidations of armed group," ingon ni Batchar.
Giingon ni Batchar nga sutaon og maayo ang mga nag-checkpoint kung kini ba tinuod ug mga miyembro sa rebelde.
"Dapat ang checkpoint natin may marked vehicle, yung mga troops natin are wearing uniforms, they have cleared the plates, they are wearing the scout uniform. If dili gani na ana it is a manifestation na dili legitimate ang checkpoint," dugang pa. (Kyle Kristoffer M. Baldos/Ateneo de Davao University intern)