Mga sundalong naay misyon libre sa bagahe, pagkaon sa eroplano

MISAAD ang Air Asia Philippines nga mohatag og libre nga "baggage allowance" ug "in-flight meals and snacks" sa tanang mga sakop sa Armed Forces of the Philippines (AFP) nga dunay misyon sa bisan asa nilang biyahe.

Kini human sa viral post sa Facebook sa usa ka netizen, Inday Rakel, kinsa misaysay kon giunsa sa mga pasahero sa AirAsia flight mitabang sa tulo ka mga sundalo -- duha niini padulong sa giyera sa Marawi City ug laing usa padulong sa Cotabato -- uban sa ilang misobra nga "baggage". Si Rakel, niining panahona, padulong sa siyudad sa Davao.

"We recognize the incredible sacrifices of our military heroes and the Bayanihan spirit among Filipinos," matud pa ni AirAsiaPhilippines CEO Captain Dexter Comendador sa hulagway nga gi-post sa airline's Facebook page niadtong Miyerkules sa gabii, Hulyo 19.

Dugang ni Comendador nga ang airline mopalugway sa "free baggage allowance" hangtud sa 40 kilogramos nga lakip sa "in-flight meals and snacks" sa tanang militar nga naa sa "peace-keeping mission" sa bisan asa nga AirAsia flights pinaagi sa pagpresenta sa ilang opisyal nga ID ug "mission order".

Ang maong pagkomitar, gituohang maoy una nga gihanyag sa usa ka lokal nga commercial airline ngadto sa Philippine army, nga moepekto dayon. (ASP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph