MANILA - Pormal nang gipagawas sa Philippine Movie Press Club (PMPC) ang opisyal nga listahan sa mga nominado para sa ika-33 Star Awards For Movies nga ipahigayon sa Resorts World Manila sa September 3.
Karong tuiga, 10 ka aktor og aktres ang magtigi para sa Movie Actor/Actress Of The Year. Kini mao sila si (Best Actor nominees) Tommy Abuel (Dagsin); Paolo Ballesteros (Die Beautiful); John Lloyd Cruz (Just The 3 Of Us); Dingdong Dantes (The Unmarried Wife); JC De Vera (Best Partee Ever); Ronwaldo Martin (Pamilya Ordinaryo); Zanjoe Marudo (The Third Party); Daniel Padilla ( Barcelona ); Alden Richards (Imagine You And Me) ug Bembol Roco (Pauwi Na).
Para sa Best Actress nominees, lakip niini mao silang Nora Aunor (Kabisera); Kathryn Bernardo (Barcelona); Janice De Belen (Ringgo, The Dog Shooter); Lotlot De Leon (1st Sem); Jaclyn Jose (Ma’ Rosa); Hasmine Killip (Pamilya Ordinaryo); Angel Locsin (Everything About Her); Charo Santos (Ang Babaeng Humayo); Judy Ann Santos (Kusina) ug Vilma Santos (Everything About Her).
Hatagan sad og special highest honor sila si Superstar Nora Aunor og Star For All Seasons Vilma Santos sa nahimo nilang kontribusyon sa pelikulang Pilipino isip aktres, producer, movie icons, sud sa 50 ka mga tuig sa industriya.
Ang Philippine Movie Press Club (PMPC) usa ka professional group sa mga active nga columnists and editors sa nagkalain-laing mantalaan (usa ang inyong ubos nga higala ang miyembro niini). Duna say miyembro sa radio showbiz talk shows, online blogger, etc. Mga 15 ka mainstream movies og 35 independent fiilms ang gi-review sa kapin 30 ka mga miyembro.
Founded in the late 1960’s, ang PMPC kada tuig naghatag og honor and recognition sa mga maayong alagad sa pelikula.
Ang Airtime Marketing ni Ms. Tess Celestino pa gihapon ang producer sa direksyon ni Bert de Leon.