SECTIONS
Wednesday, July 17, 2019

Smoking ban ipatuman ni Osmeña apan di estrikto kay negusyo madaut

GIHULAGWAY ni Mayor Tomas Osmeña nga makahatag og di maayong epekto sa ekonomiya ang implementasyon sa nationwide smoking ban nga magsugod karong adlawa.

Mopatuman siya niini dinhi sa dakbayan sa Sugbo, apan kini lugak.

Si Osmeña nibutyag nga tu­ngod kay kini balaod nga gipa­agi sa executive order nga giluwatan ni Presidente Rodrigo Duterte, andam siyang mosunod.

Apan iyang gipadayag nga sama sa implementasyon sa Republic Act 10666 kun Children’s Safety on Motorcycles Act, iya gihapon hatagan og kaluoy ug konsiderasyon ang mga makalapas.

“I will follow the law but I will temper everything with mercy,” pasabot ni Osmeña.

Ang mayor nihimong sanglitanan sa dakbayan sa Davao nga maoy siyudad ni Duterte nga nawagtang o way night life o kalingawan matag gabii.

Nikunhod usab og 30 porsi­yen­to ang inadlaw-adlaw nga ki­ta sa Philippine Amusement and Gaming Corporation (Pagcor) dihang gipatuman ni kanhi acting mayor Margot Osmeña ang smoking ban sulod sa Pagcor.

Dugang ni Osmeña nga gani, gusto niya nga makapanigarilyo ang mga binilanggo sulod sa New City Jail sanglit mao ra kini ang ilang kalipay.

Apan gihigpitan kini sa manage­ment nga iyang gihulagway nga nakamugna og korupsyon sanglit aduna gihapoy ipalusot nga si­garilyo apan ang presyo kalima o ka-10 pilo-piluon ang presyo.

Ang EO-26 ni Duterte maoy nagpahugot sa implementasyon sa Republic Act No. 9211 Tobacco Regulation Act of 2003 nga nagdili usab sa pagpamaligya og sigarilyo ngadto sa mga menor de edad.

Base sa maong balaod, ang ma­kalapas subay sa RA 9211, maka­multa og P500 ngadto sa P10,000 ug kadtong mobaligya og sigarilyo ngadto sa mga batan-on, adunay penalty nga P5,000 o pagkabilanggo og 30 ka adlaw ug ang labing sakit mao ang pagkanselar sa business permit. (PAC)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph