ANG probinsiya sa Davao del Norte gideklarang "Peaceful and Ready for Development" (PRFD) human sa 16th leg sa Association of Regional Executives of National Agencies (Arena) Davao Region, National Serbisyo Caravan sa JBL Complex didto sa Barangay Sto. Nino sa Talaingod hapon niadtong Biyernes.

Mga mipirma sa deklarasyon mao si Armed Forces of the Philippine's Eastern Mindanao Command (Eastmicom) commander Lieutenant General Aurelio B. Baladad, Army's 10th Infantry Division commander Major Eduardo M. Ano, Davao del Norte Governor Rodolfo del Rosario, Police Director Alex C. Roldan ug Arena Davao Region president Mariano Alquiza.

Si Eastmincom spokesperson Captain Alberto Caber, sa pamahayag nga gi-e-mail sa media, nagsulti nga ang deklarasyon gibase sa milambo nga kahimtang sa seguridad sa lugar pinaagi sa resolusyon nga gihimo sa municipal ug provincial peace and order councils.

Dugang ni Caber nga pito ka mga probinsiya nga ubos sa Eastmincom's area of responsibility ang gideklara isip Peaceful and Ready for Development gikan 2011 hangtod ning bulana.

Gikanayon niya nga apil sa mga probinsiya mao ang South Cotabato, Sarangani, Davao Oriental, Camiguin, Dinagat Island, Davao del Sur ug Davao del Norte.

"With the strong collaboration of all concerned government agencies and NGOs, we have again achieved another Bayanihan success for the greater good of the people in Talaingod. We are all united for peace and development in this province. This is a concrete example of what we call whole of nation approach," tin-aw ni Baladad sa mensahe.

Ang Cabinet Security Clusters ug uban pang mga opisyal sa nasudnong kagamhanan pangulohan ni Undersecretary Emmanuel Bautista, Executive Director sa Cabinet Cluster on Security, Justice and Peace; ug ang mga pangulo concerned regional government agencies sa Davao del Norte pangulohan sa gobernador nakighiusa sa Arena Davao Region Serbisyo Caravan.(ICT)