MAKIGPARANG og knockout artist gikan sa Tanzania si ALA fighter AJ “Bazooka” Banal sa undercard “Pinoy Pide 32” boxing promotion nga ipahigayon karong Agusto 7 sa World Trade Centre sa Dubai.
Gitumbok mao si Emilio Norfat, kinsa adunay 24-6, 18KOs nga rekord.
Ang pagpakigbatok kang Norfat usa sa mga tahas nga kinahanglang sagubangon ni Banal, kinsa nagtinguha nga makabalik og away alang sa world title.
Sa labing una niyang pagpanuktok alang sa world title, si Banal nasugamak sa 9th round TKO nga kapildihan batok kang Thai Pungluang Sor Singyo niadtong Oktubre 20, 2012 sa Manila.
Human ning maong kapakyasan, si Banal nakaposte og lima ka sunodsunod nga kadaugan aron buhion og balik ang iyang paglaom paingon sa taas.
Si IBF Inter-Continental super bantamweight champion “Prince” Albert Pagara modepensa sa main event batok sa wala pa mailhi nga kontra.