MATAG usa kanato, dunay tagsa-tagsa ka mga damgo sa kinabuhi, apan pipila lamang ang makaabot sa kinatumyan sa kalampusan sa atong mga pangandoy.
Karong semanaha, atong saludohan ang usa ka 23-anyos nga si Tsim Valencia, kinsa mipaambit sa iyang kaagi nga gisukipan og daghang mga responsibilidad.
Usa lamang siya sa mga Mindanaoan model kinsa napasidunggan na sa daghang mga kompetisyon kinsa ania nanimuyo sa iyang yutang natawhan, ang Davao City.
"I was starting to make a name in the modeling industry in a bigger city but there's just a lot to shed off, to sacrifice if I leave Davao City for my dream," sulti niya.
Sa tuig 2012, miapil siya sa Supermodel Philippines ug nakasungkit sa Top 3 hinungdan nga daghan sa iyang mga higala ug mga modeling agencies nga buot kaniyang sa Manila una siya mopuyo gumikan daghang mga naghuwat nga mga kliyente sa mga midaug sa kompetisyon.
"I could just continue with modeling after I secure my degree - that's what I said to myself then," dugang niya.
Ang iyang mga ginikanan pulos mga negusyante, kinsa anaa ang walay-kinutuban nga pagsuporta ngadto kaniya.
"That was after college. I was weighing things but then I also got sick. I took it as a sign that maybe the universe is telling me stay here (in the meantime, at least)," dason sa atong bida.
Sumala niya nga kinahanglan gyud niya nga moabag sa ilang negusyo hinungdan siya ang nahimong Corporate Secretary samtang modeling ang sideline matag higayon kung dunay imbitasyon.
Gani niadto, nakadaug siya sa Ateneo de Davao University's Foto Modelo Ateneo sa tuig 2013 sa iyang pagtungha sa kolehiyo ug ning bag-o lang miapil siya sa TV5's Philippine's Next Top Model.
"I get to help my parents and see them everyday as well while I also get to do what I want: modeling. So, for me, it's a win-win situation," Tsim adds. "I may not be there yet but I am happy with how everything works right now," panapos niya.
Bisan pa unsa kita ka okupado sa ubang mga butang, mas maayo natong isipon nga i-balanse ta kini aron maayo ang dagan sa atong pang-inadlaw nga buhat ug aron malikayan kita sa pagbug-at sa uban pa natong responsibilidad.
Miss Tsim Valencia, saludo kami nimo!