HUMAN sa parada sa kalampusan sa National Basketball As­sociation (NBA ) champions Golden State Warriors kagahapon, ang kapulisan mitubag og alarma nga adunay tulo ka mga tawo nga gipangpusil dili halayo sa gipahigayunan sa kasaulogan sa Oakland.

Ang mga biktima, nga wala pa mailhi ning pagtaho, giingong anaa na sa luwas nga kahimtang.

Wala pa masayri sa kapulisan kon unsa’y katuyoan sa pag­pamusil. Wala pa sab matino kon aduna ba’y kalambigitan ang nahitabo sa kasaulogan nga gisugdan pinaagi sa usa ka parada.

Atol sa kasaulogan, adunay mga dalan nga gipangsirad-an hinungdan nga nakamugna kini og trapik.

Ang parada nahuman sa convention center sa Oakland diin gipahigayon ang usa ka programa.

Ang Oakland kasamtangang nagsagubang og daghang mga problema. Nakalista kini isip usa sa labing delikadong mga siyu­dad sa dugay nang panahon. (AP)