SECTIONS
Saturday, August 24, 2019

2 MMA fighters nabanggaan, patay

BALI ug bun-og sa nagkadaiyang parte sa lawas ang naangkon sa duha ka mga Mixed Martial Arts Fighter (MMA) human nabanggaan sa naghaguros nga taxi mga alas 12:30 sa kaadlawon niadtong Dominggo sa Barangay Gusa, dakbayan sa Cagayan de Oro.

Ang mga biktima giilang sila si Rickytune Batoltol, 32, ug giingong ig-agaw ra usab niini nga nailang si Genar pulos mga MMA fighter.

Ang mga biktima lumad nga taga Bacolod City ug gikatakda untang moaway sa nasod sa Indonesia sunod nga mga bulan.

Ang sparring partner nga mao si Rex De Lara nibutyag sa mga tigbalita nga iyang nasaksihan ang tanang panghitabo gumikan kay kuyog silang tulo niadtong tungora kay mibisita sa ilang manager nga anaa na-hospital sa Capitol University Medical Center (CUMC).

Patabok na unta sila sa kalsada kay naghulat na ang usa ka taxi nga ilang gipara sa dihang kalit nihaguros ang laing usa ka taxi ug sakto sad ang pagtabok sa duha hinungdan maayong pagkasapon.

Tungod sa kusog nga impak labina kusog og dagan ang taxi nanglagpot ang duha ka mga biktima ug nakaangkon og bali ug bun-og sa nagkadaiyang parte sa lawas hinungdan sa ilang hinanaling kamatayon.

"Seconds lang gyod ug nakurat nako pag-ayo pagtan-aw sa akong mga kauban nga layo ang gilagpotan ug grabe ang bali sa lawas," halos dili pa makatoo nga saysay ni De Lara.

Nasayran nga igo lamang nagtraining denhi sa siyudad ang mga MMA fighters ug kasamtangan nagpuyo sa Mindanao Unified Mixed Martial Arts (MUMA) Gym nga nahimutang sa Daumar St. ning siyudad.

Ang driver sa taxi nga mao si Jerson Bersabal, taga Zayas, Upper Carmen ning siyudad aminado nga nakabuylo siya niadtong tungor tungod kay mingaw na ang kalsada ug daw nag-ulan ulan sab.

Apan daw wala niya namatikdan nga adunay nitabok sa kalsada hinungdan nasapon ang duha.

"Nakabuylo ko gamay pero wala ko nikawat og dalan. Kusog ang ulan mao man pagtabok nila nisuwaay ko pagbrake mao nibagnos ko sa pikas. Naa ko sa first lane nibalhin," matud ni Bersabal kinsa detinado na niining panahona sa prisuhan sa Police Station 3 sa Agora.

Gikatakdang mag-atubang kini og kasong reckless imprudence resulting to multiple homicide.

Ang duha ka mga patayng lawas giatiman na karon sa nahibiling hingtungdan.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph