SECTIONS
philippines
Monday, September 23, 2019

2 ka Sugboanon top sa architecture exams

DUHA ka mga Sugbuanon nga pulos mga gradwado sa University of San Carlos ang nasulod sa top ten sa Architect Licensure Examination.

Usa niini, ang usa sa mga nitabang sa mga pamil­ya nga nawad-an og kapuy-an gumikan sa bagyong Yolanda, sa lungsod sa Tanauan, Leyte, niadtong Nobiyembre 2013.

Si Joachim Michael Lim Espina, nagpuyo sa Juana Osmeña Ext., Barangay Camputhaw, dakbayan sa Sugbo, ang nahimutang sa ikaduhang dapit uban sa 85.20 rating.

Samtang, si Francino Paraz Delima, taga Barangay Tisa, siyudad sa Sugbo, ang anaa sa ikapito nga puwesto nga may 84.10 rating.

Ang Professional Regulation Commission nipahibawo niadtong Biyernes nga gikan sa 1,964 ka exa­minees, 1,201 ang mga nakapasar.

Ang examination gipahigayon sa Manila, Cebu ug Legazpi niadtong Hunyo 12 ug 14, 2015.

Si Christian Lyle Davide La Madrid, gradwado sa University of Santo Tomas, ang nahimutang sa unang dapit nga may 85.90 rating.

Si Delima, graduate isip cum laude ug anak sa kanhi security officer ug retirado nga maestra, nisaysay nga bonus na alang niya ang pagkasulod sa top ten.

Ang pagsalig ug pag-ampo sa Ginoo, matod niya, maoy nakatabang nga makapasar siya sa eksaminasyon ug mahimong 7th placer.

Ang 23 anyos nga ulitawo ug ikatulo sa upat ka magsuon, ang usa sa mga nihimo og desinyo sa 300 ka units sa mga balay alang sa mga pamilya sa Tanauan, Leyte nga nawad-an og panimalay human giigo og storm surge dihang nikusokuso ang bagyong Yolanda.

Niadtong higayona, usa siya sa mga gitahasan sa Espina, Perez-Espina and Associates, diin siya nag-OJT, maghimo og desinyo sa dos andanas nga hou­sing units sa usa ka foundation.

“Nindot ang feeling makatabang, nindot siya nga social responsibility tungod kay kita diri sa Cebu fortunate ta nga wa ta maigo sa bagyong Yolanda. Nagpasalamat ko sa boss nako nga akoy gi-assign nila,” saysay ni Delima sa Sun.Star Superbalita.

Samtang, si Espina, 23, anak sa dean sa School of Architecture, Fine Arts and Design sa USC-Talamban samtang ang iyang inahan nagtrabaho sa banko.

Siya nisaysay nga wa siya magdahom nga masud sa top ten tungod kay lisod ang examination apan, pagkahibawo niya sa resulta, nakaginhawa siya.

Nagplano siya nga magkuha og masteral sa nasod sa Japan ug samtang nagpaabot sa higayon, nitabang una siya pagdumala sa kompaniya sa iyang pamilya ang Espina, Perez-Espina and Associates.

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph