DI LANG sila si Austin Jacob Literatus ug Irish Yngayo ang mga Dabawenyos nga miuli og medalya sa Team Philippines sa bag-ohay lang nahuman nga 16th Asean+ Age-Group Chess Championships didto sa Singapore.
Apil nga naka-medalya ang taga-Dabaw nga si John Marvin Miciano, kinsa mitabang sab sa nasud sa pagbulsa og platang medalya sa boys under-16.
"In this year's Asean tournament, I played in under-16 years old category where players are really very good. I am only 14 years old and in the lower age bracket this year. I will still be playing in under 16 next year," niya pa.
Si John mi-graduwar sa Ateneo de Davao University Grade School sa 2013 ug gikuha sa La Salle Greenhills sa 2013 ug nahimong scholar.
Miduwa siya sa NCAA sa milabay nga season ug gipresenta ang La Salle Juniors ug nakabulawan sa board 2.
Ang umaabot nga Grade 10 student, mibalhin si John sa Far Eastern University (FEU) Diliman aron mahatagan siya og oras sa pagbansay ug tournaments.
"Hopefully, I'll play for FEU in the next UAAP season," matud niya sa Facebook interview.
Gibansay siya ni seasoned grand master Richard Bitoon ug Jedara Docena.
Nagpasalamat siya kang North Cotabato Governor Emmylou Talino-Mendoza sa pag-isponsor sa iyang gasto sa training ug pagsuporta sa Asean+ tournament.
Siya naglaum nga makaduwa pa og dugang torneyo aron mas molambo pa ang iyang duwa. (MLSA)