Tancontian mihakot 2 bulawan

ANG garbo sa Davao City nga si Sydney Sy Tancontian mopakita'g gilas sa Southeast Asian (SEA) Games 2017 human miangkon og duha ka bulawang medalya sa bag-ohay pa lamang nahuman nga 4th Women's Martial Arts Festival judo competition sa SM Harrison Plaza sa Malate, Manila.

Ang 17-ayos nga University of Sto. Tomas varsity scholar nanguna sa under -78 kilogram (kg) juniors division ug +70 kg cadets division, gipildi ang ubang kaatbang sa round-robin format tournament.

Ang Dabawenya mipildi sa uban niyang kaharong sa +70 kg nga sila Kathleen Mae Ferriols sa UST, Joyce Ann Barsaga sa De La Salle University ug Sofia Marie Belonio sa Far Eastern University sa puntos nga 100.

Sa Under-78 kg, gipildi sab niya ang taga UST nga sila Aisilinn Yap ug Colline Pecdasen.

Gidugang ni Tancontian nga ang pag-apil niya sa womens' festival nakatabang sa iyang preparasyon sa SEA Games, kini bisan pa man og naglaum siya og mas hugot nga mga kaatbang sa indigay nga himuon sa Kuala Lumpur, Malaysia sunod bulan.

"Nakatulong po ang pagsali ko sa women's festival para maevaluate ko and nung mga coaches kung saan po ako dapat magimprove pa," suma sa atleta nga excited sa iyang pagsalmot sa unang beses sa SEA Games.

Dugang pa niya: "I'm excited and kinakabahan po at the same time kasi at last, I will be able fulfill my family's dream na makapagcompete ako sa SEA Games."

Sa kasamtangan, nagabansay si Tancontian uban ang national team ug madasigon sa iyang tsana sa SEA Games.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph