USA sa mga reaksyon nga atong nadawat bahin sa Bus Rapid Transit (BRT) system nga giduso ni Cebu City Mayor Tomas Osmena nagkanayon nga di kini mosaler dinhi sa dakbayan sa Sugbo tungod sa kahagip-ot sa atong kadalanan.
Ang iyang sugyot mao ang pagpadagan sa mga double-decker bus nga mogamit og liquefied petroleum gas (LPG) nga ihulip sa mga jeepney ug mohunong lang sa mga strategic designated bus stops.
Planuhon og maayo ang pagbutang sa mga bus stops aron di makaapekto sa trapiko. Di na makahunong bisan asa ang mga bus sama sa jeepney. Ang kasagaran nga mahitabo mao nga ang pasahero maoy magbuot asa manaog.
u25cb ○ ○
Ang problema tingal sa double-decker bus mao ang nagwakat nga kutay sa mga alambre sa kuryente ug telepono sa atong kadalanan. Isangit-sangit ang mga double-decker bus sa mga gitawag nga “spaghetti wires.”
Maayo na lang gani kay gipasiugdahan sa Visayan Electric Company (Veco) ang pagtangtang sa mga overhead wires diha sa Osmena Boulevard gikan sa Fuente Osmena hangtod sa Kapitolyo.
Kon nakabantay mo, wa nay mga alambre nga nagbitay, wa nay spaghetti wires sa maong dapit. Ang tanang alambre gibutang sa ilawom sa yuta. Padayon kini nga gihimo ug maglakip na sa pikas bahin sa Osmena Boulevard gikan sa Fuente Osmena hangtod sa Sanciangko Street.
u25cb ○ ○
Sumala pa sa maong sugyot, ang mga bus stops mahimong ibutang sa mga estasyonan sa light rail transit (LRT) nga giduso ni Presidential Assistant for the Visayas Mike Dino.
Sumala pa sa ulahing mga taho, ang pagpatuman sa BRT project mokabat sa balor nga P17.7 bilyunes gikan sa orihinal nga P10.6 bilyunes. Pero maayo tingali nga hatagan natog panahon ang BRT aron atong makita kon kini makampuson ba.
Apan sa samang higayon, paningkamotan nga ipadayon ang LRT. Sumala pa ni Secretary Dino, magsugod na ang pagpatuman sa LRT sa sunod tuig.