GIHULAGWAY karon sa Kilusang Pagbabago Visayas nga dakong kadaugan sa administrasyon ni Presidente Rodrigo Duterte ang malampusong ronda sa kapulisan batok sa liderato sa giingong Kuratong Baleleng sa Syudad sa Ozamis.
Mao kini ang gibalitang ronda diin namatay si Mayor Reynaldo "Aldong" Parojinog, ang iyang asawa, ug mga 13 pa ka mga kauban.
Ang iyang anak nga si Bise Mayor Nova Princess Parojinog-Echavez gisikop sa kapulisang nga gipangulohan ni Police Director Jovie Espenido.
Human gisaway pagmaaayo si Presidente Duterte nga pulos lang mga gagmay ug mga kabus ang nangahay-ad sa iyang war against drugs, dia karoy dakong engkwentro diin usa sa dakong sindikato nga gituohang untouchable ang napukan.
“We, members of Kilusang Pagbabago (KP) Visayas, laud the administration of President Rodrigo Roa Duterte. This triumph signals sincerity in eliminating major criminal gangs along with their political infrastructure. The Kuratong Baleleng and its political dominance in Ozamis City characterize what we call “Narco-Politics,” nagkanayon ang press statement sa Kilusang Pagbabago.
Kining Kilusang Pagbabago usa na karon nga kalibotanong kalihokan sa mga tigsuporta ni Presidente Duterte nga nadasig sa iyang panawagan nga kausaban.
Usa sa kausaban nga gisaad sa presidente mao ang pagwagtang sa suliran nga gidiling drugas. Tuod man, gilusad niini ang usa ka gubat batok sa mga sindikato.
Kahinumdoman, lakip ang mga Espinosa sa Albuera, Leyte ug ang mga Parojinog ang gipangnganlan ni Duterte nga mga sindikato sa gidiling drugas.
Lakip sa gipanganlan ni Presidente Durterte kadtong bag-o pa nagsugod ang iyang termino mao si kanhi mayor Mike Rama. Hinoun, niingon si Rama nga andam siya imbestigahon.
Nagkanayon ang Kilusang Pagbabago Visayas nga gipangulohan ni Doris Mongaya, ang lead convenor sa Visayas, nga ilang sustinihan pagduso ang development agenda ni Duterte kay kining mga kalampusan sa kapulisan mahimo lang malungtaron kon modaog ang administrasyon sa gubat ug mao kini ang gubat batok sa kagutom.
Colurom
Bisan pa man og tua sa abroad karon si LTFRB 7 director Ahmed Cuizon, belib kaayo ko kay way lugak ang kampanya sa maong ahensya batok sa mga colurom.
Atong nasayran nga upat mismo ka mga sakyanang gidudahang colurom ang nasikop sa special team diha sa Osmeña Blvd duol sa Cebu City Comelec kagahapon sa buntag.
Mao kini ang ilang nasikop:
u25cf Usa ka Toyota van sa Cepudco MPC nga naa nagbase sa Cabancalan, plate number GXK 517;
u25cf Hiace nga may plate number YKN 330
u25cf Hiace nga may plate no. VZ 0205; ug kining
u25cf Nissan Urvan nga may plate number OX 3557.
(@anol_cebu sa Twitter)