NALANDIG sa tambalanan ang usa ka lola ug ang iyang apo human kini nadasmagan og bus gawas sa usa ka mall sa N. Bacalso Ave., siyudad sa Sugbo kagahapon, pasado alas 9:00 sa bunta.

Ang mga biktima mao si Teresa Rodriguez, 60, ug iyang apo nga si KB Opraga, 6, dihang ni-aksiyon kini paglabang diha sa naasoy nga dapit.

Dali ra hinuon nga nadala ang duha sa Se­ven Adventist Hospital kun Miller Hospital human giingon nga samdan kini sa ilang ulo.

Matod sa traffic investigator sa maong insidente nga si SPO1 Dionisio Galo sa traffic patrol group sa City Traffic Operations Management (Citom) nga usa ka Ceres bus ang nakadasmag sa duha.

Gimaneho ni Joan Nacua, 34, lumad sa siyudad sa Carcar, ang maong bus nga anaay plate number nga 954-CEH.

Dugang ni Nacua nga base sa alegasyon ni Nacua nga gikan siya naghunong tungod kay naka-stop ang anaa sa iyang bahin apan dihang ni-go signal na kalit lang nga naglabang ang duruha hinungdan nga nadasmagan kini.

Gikan sa syudad sa Carcar ang maong bus ug paingon unta kini sa Cebu South Bus Terminal.

Natanggong karon si Nacua diha sa Police Station 2 samtang naghuwat pa ang TPG kon mopasaka ba og kaso ang pamilya sa biktima.