GIPIRMAHAN sa kagamhanan sa dakbayan sa Talisay ug Department of Environment and Natural Resources (DENR) 7 ang memorandum of agreement (MOA) bahin sa Forest Land Use Plan.
Gipaabot nga maplanohan na unsaon pag-gamit ug pag-atiman ang ilang kalasangan sa siyudad, lakip sa pagpalambo sa ‘little Baguio’ tungod sa kabugnaw nga dapit.
Gibutyag ni Bise Mayor Romeo Villarante nga ang Talisay adunay kapin sa usa ka libo ka ektarya nga gideklarar og timberland ug mao
kini ang atimanon ug bantayan nga dili maabusohan.
Usa ka paagi mao ang paghimo’g hiniusang buhatan nga mo-regulate ug modumala sa lugar nga himuonng eco-tourism site ug training site.
“Kanang diha sa Kampinsa kay bugnaw kaayo nang dapita diha atong i-develop mora man og little Bagiuo diha,” matod ni Villarante.
Giangkon sa bise mayor nga sa pagkakaron naabusohan ang ilang kalasangan sanglit padayon ang pagpamutol sa kakahoyan.
Lakip sa MOA mao ang pag-atiman sa kasapaan ilabi na ang Mananga nga padayon ang ilegal nga pagpangubkob sa bas og graba.