USA ka semana sa dili pa ang National Basketball Association (NBA) rookie draft, nagsugod na sa iyang ensayo si Kentucky big man Karl-Anthony Towns sa Minnesota Timberwolves niadtong Sabado.
Naabot si Towns sa Twin Cities niadtong Biyernes sa gabii diin nag-tour dayon kini sa bag-ong pasilidad sa Wolves nga nagkantidad og $25 milyon ug nanihapon kauban ang tag-iya sa team nga si Glen Taylor, presidente nga si Flip Saunders ug laing mga team official.
Si Towns mao ang gikonsiderar nga labing paborito nga mapiling no.1 pick karong Huwebes ug bugtong sa Wolves lang siya niapil og ensayo.
Ang pagbisita ni Towns maoy mituldok sa daghang gimbuhaton sa Wolves ning semana.
Sa niaging mga adlaw, nibisita sab sa Wolves sila si Jahlil Okafor, Ohio State guard nga si D’Angelo Russell ug point guard Emmanuel Mudiay. (AP)